drkgbalakrishnan indian poet/ malayalam poem/ 

മന്ത്രം 

-10-/8/2020

--------- ഇനിയുമിതിനൊരറുതി വരുമോ-

പനിമതിയുദിച്ചതുലമധുരമാം 

സുകൃതമുഴിയുമോ -

കവിത വഴിയുമോ 

കഥകൾ മൊഴിയുമോ 

മമത പൊഴിയുമോ 

രജതരശ്മികൾ മിഴി തുറക്കുമോ-

സുഗതസംഗീതധ്വനി 

തളിർക്കുമോ! 

രവി ചിരിക്കുമോ 

മലർ മണക്കുമോ 

ഛവി പരക്കുമോ 

കവിത കിനിയുമോ

കവി കനവുകൾ 

തൂവി രാപ്പകൽ 

നാവിനുന്മാദ-

ലഹരി പകരുമോ!

കെട്ട കാലമിതുമാഞ്ഞു മാനസം 

ചെറ്റു തേൻ കനവിൽ മന്ദ്രമാധുരി-

യുഴിഞ്ഞു താളലയ-

സാന്ദ്രദീപ്തസുഖമേഴിൽ 

വിലയനമദം നുകര്ന്നു- 

സപ്തമ-

ധ്വനിയിൽ നീന്തിയവ്യക്തശാന്തിയിൽ 

ലയന-

സൗഖ്യമദമന്ത്രമാരുമൊ! 

=================================== 

  Manthram-poem-dr.k.g.balakrishnan kandangath

10-8-2020/Amazon.com

new book Malayalam

---------------------------------------------------------------- 

Dr.k.g.balakrishnan kandangath global indian poet

           amazon/author/kg kandangath dr.k.g.balakrishnan kandangath global indian poet (english & Malayalam) having world over readers. veteran author with 15+ international publications through Amazon.com printed and published from USA. shipped from USA. 400 important poems archived by www.poemhunter.com "world poetry archive" Topmost (all-time) poet award and distinguished poet www.poetry.com pin award winner. veteran septuagenarian poet of india writing poetry and articles in print media since 50+ years. Doctor(Physician) Poet of India (Also of the Globe now). Musical inspirational intuiting poetry This book "The Why?" /study by noted indian novelist C.RADHAKRISHNAN./ appreciation by noted indian poet k.g.sankara pillai. 2 previous editions from Amazon.com(2014, 2015), well accepted and read by world over readers. 1000s of comments & appreciations from world literature lovers. Having Amazon.com Kindle Editions also. for details please google "amazon.com dr.k.g.balakrishnan kandangath books". Read free on www.poemhunter.com site.

New book Malayalam/dr.kgbalakrishnan kandangath/mazhakkulir/10/7/2020

New book Malayalam/dr.kgbalakrishnan kandangath/mazhakkulir/10/7/2020

മഴക്കുളിർ /New book Malayalam/
dr.kgbalakrishnan kandangath/mazhakkulir/10/7/2020
----------------------
       
            ഒരു തീർത്ഥയാത്ര-
കരളിലെ പൂങ്കുളിർ-
പൊൻനിലാ-
നിറനിറെ നിരനിരെ -
ചെങ്കതിരഴകിൻ
നിറക്കൂട്ടിലാനന്ദ-
ലയലയനത്താൽ
തുടിച്ചകാലം-

"വരവായി വരവായി
ഭാരതപ്പൂങ്കാവിൽ-
മധുരക്കിനാവിൻ
വസന്തകാലം!"

"അതിനായിയതിനായി
പുതിയ പൊൻ മഴുവെറി-
ഞ്ഞൊരു പുതു ഭാർഗവൻ-
മലനിരകൾ കാവലായ്
നിലകൊള്ളു-
മിപ്പുണ്യ- 
 മലയാളമണ്ണിനെ-
പ്പുൽകിയുണർത്തി"യെന്നും -

പലപല വർണ്ണക്കൊടികളാ-
ലുള്ളത്തിൽ
നിലപാടുതറ തീർത്തു
കലിതുള്ളിക്കലിതുള്ളി-
ക്കല്പിച്ചു പുലിയായി
മലയായി-

വേഷങ്ങൾ പലതാടി-
സുകുമാരകലകളാൽ
മുഖപടപദമോതി-

മൃദുഹാസക്കുളിരേകി-
കഥയുടെ പരിണാമ-
ഗുപ്തിയിൽ പ്പദമൂന്നി-
"നവകേരളീയ"
മുറഞ്ഞുതുള്ളും-
"നവഭാരതീയം"
കിനാവുകാണും

നിമിഷത്തിനാനന്ദ-
തപതാപമുഗ്‌ദമി-
ക്കവിയുടെയുള്ളത്തി-
ലലയടിപ്പൂ-
മിഥുനമാസത്തിൻ
മഴക്കുളിരൂതുന്ന-
സുഖദസംവേദനം
സാന്ദ്രസംഗം!
-------------------------------------------------------- 

മഴക്കുളിർ / dr.k.g.balakrishnan kandangath
10-7-2020
-----------------------------------------------------------

 

 


   


 

Malayalam poem/New book/7-7-20/dr.kgbalakrishnan kandangath/mazhabheri/drkgb

Malayalam poem/New book/7-7-20/dr.kgbalakrishnan kandangath/mazhabheri/drkgb
----------------------------------------------------------------------------------------------------------
മഴഭേരി 7-7-20
------------------------------
 വായന/എഴുത്തുമുറി-
യിവിടെയെൻ
ഭാവന
പുതുമലരാർന്നു മണം
വിതറും നിമിഷത്തിൻ
സുഖദസംവേദനം
നുകരും മനം-

അകം പൊരുളിൽനിന്നൂറും
മധുകണമിളംകാറ്റിൽ-
ത്തുളുമ്പിയലിഞ്ഞലിഞ്ഞേതോ
നിരാകാരനിത്യത്തിൻ
തിരുമുറ്റത്തൊരശോകമുണ്ടതിൻ
തണൽക്കുളിരിൽ-

അമ്മമലയാള-

മാമധുനുണയും
കണ്മണിക്കിനാവായി!

ചോരിവായിലെയിളംതേ-
നുള്ളിലറിവിൻ പത-
കൂരിരുൾക്കനവിലൊരു
കതിരൊളി-
അമ്മേ!
 നിൻ തിരുമനമരുളുമിളം-
തെന്നലിന്നമൃതകരലാളനം-

സുകൃതം-
വാമൊഴിയായ്
നീയരുളിയ മധു-
കനവിലിപ്പോഴും-

തുരുതുരെയീ*യെൺപതിൻ
തിരുനടയി-
ലിപ്പൈതൽ നീന്തി-
യെത്തിയ വഴിത്താരയും-
തണൽ തന്ന നിൻ നിഴൽപ്പാടും!
തായേ!

2 .
(ഇന്നിതാ ചെറുമക്ക-
ളുത്തരാധുനികന്മാർ

മുന്നിലെ
സ്ഫടികപ്പിഞ്ഞാണത്തിൽ
വിളമ്പുമേതോ
എന്തോ
വിഴുങ്ങി-

മാതേ!
ഭാരതാംബികേ!
മഴഭേരിയിതു മുഴങ്ങട്ടെ!
അഷ്ടദിക്-
പാലകമാർ
പുഷ്പവൃഷ്ടിയിൽ നിന്നെ
നിത്യവും നമിക്കട്ടെ!
----------------------------------------------------- 
*കവിയ്ക്കിപ്പോൾ എഴുപത്തിയാറ്‌
വയസ്സ്.(DOB-1944 June 24-official- real-
24-11-1944).
------------------------------------------------------

Monday, September 11, 2017

Ulppulakam /dr.kgbalakrishnan kandangath 11/9/2017

ഉൾപ്പുളകം
-----------------------------------
ഡോ കെ ജി ബാലകൃഷ്ണൻ / 11/ 9 / 2017
------------------------------------------......................

    നിമിഷത്തിന്റെ പെരുക്കം നിമിഷം തന്നെ. എന്നാൽ അത് അനന്തമത്രെ!
അതുതന്നെ മാനസികവ്യാപാരത്തിന്റെയും കഥ. അകം ചികഞ്ഞുചികഞ്ഞ് ചെന്നാൽ ഒന്നുമില്ലായ്മയുടെ ഒന്നുമില്ലായ്മയെ  അതായത് പരമമായ നിശ് ശൂന്യതയെ പ്രാപിയ്ക്കുന്നു. അത് അനന്തത തന്നെ. ചുരുക്കത്തിൽ ഉള്ളിലിരിപ്പ് അതിരെഴായ്മയായി പരിലസിയ്ക്കുന്നു.

"എന്റെ കവിതകൾ 1958 -2017"
(കെ ജി ബാലകൃഷ്‌ണൻ മലയാള കവിതകൾ
സമ്പൂർണം)
3 ഭാഗമായി അമേരിക്കയിൽനിന്ന് ആമസോൺ വഴി പ്രസിദ്ധീകരിക്ക- പ്പെടുകയാണ്, ഒരാമുഖം എന്തിനെന്ന് ആദ്യം സ്വയം ചോദിച്ചു. പിന്നെ അത് ഒന്നുള്ളത് നന്നെന്നു തോന്നി.

കാരണം,
ഹൈസ്കൂൾ മാസികയിൽ വന്ന (1958)"പ്രഭാതം വന്നപ്പോൾ" മുതൽ പതിനഞ്ചാമത്തെ  കവിതാസമാഹാരമായ "ഭാരതീയ"ത്തിലെ
"അളവ്" (2-5-2017) വരെ
രണ്ട് ശതാബ്ദങ്ങളിലായി പരന്നു കിടക്കുന്ന
ഈ "മഹാകാവ്യം"
(എന്നു തന്നെ എന്ന് ഞാൻ വിളിക്കുന്നു;ക്ഷമിക്കുക)
 അനുവാചകന്റെ അകംപൊരുളിലേയ്ക്ക്               
കൂടുതൽ കൂടുതൽ ആഴുവാൻ ഈ വരികൾ സഹായകമാകും എന്ന്
മനസ്സ് മന്ത്രിച്ചു.

ഇടക്കാലത്തെ ദീർഘമൗനം
-----------------------------------------------
ഞാൻ ആലോചിയ്ക്കാറുണ്ട്. 1972 മാർച്ചിൽ "മാതൃഭൂമി ആഴ്ചപ്പതിപ്പിൽ" വന്ന
കവിതയ്ക്ക് (ഈ സമാഹാരത്തിൽ ചേർത്തിട്ടില്ല) ശേഷം ഒരു ദീർഘമൗനം എന്നെ നിഷ്കരുണം ഗ്രസിച്ചതെന്തെ എന്ന്! അറിഞ്ഞുകൂടാ. പക്ഷെ ഒന്നുമാത്രമറിയാം! പിന്നെ 21-ആം നൂറ്റാണ്ടിൽ "മാതൃഭൂമി"യിൽകൂടിത്തന്നെ തുടക്കം വയ്ച്ചത് "കലാകൗമുദി"യിലൂടെ തുടരുന്നു; നിരന്തരം. കൂടാതെ "ഭാഷാപോഷിണി"യും "ദേശാഭിമാനി"യും "സമകാലികമലയാള"വും "സാഹിത്യലോക"വും "ഗുരുദേവനും" "യോഗനാദവും" "അംബാപ്രസാദവും"  ഈ കാലയളവിൽ കവിതകൾ പ്രസിദ്ധം ചെയ്ത്  എന്നെ പ്രോത്സാഹിപ്പിച്ചിട്ടുണ്ട്. അപ്പപ്പോൾ വാർത്ത നൽകി എല്ലാ പത്രങ്ങളും (ഹിന്ദു ഇംഗ്ളീഷ് പത്രമടക്കം) ജനശ്രദ്ധ നിലനിർത്തിത്തരുന്നു.
(ഈ ആത്മകഥനം ഇവിടെ "കട്ട് " ചെയ്യുന്നു).

എന്റെ ആംഗലേയ കവിത
----------------------------------------------
അതിവിടെ പ്രസക്തമല്ല. എങ്കിലും ഒരു വാക്ക്. ആഗോളകവിതയിൽ ഒരു പദമൂന്നുവാൻ ഇംഗീഷ് കൃതികൾ തന്ന സഹായം വലുതാണ്! എന്റെ ചില  കൃതികൾ ആസ്‌ട്രേലിയയിൽ പ്രകാശിപ്പിക്കുവാനും ലൈബ്രറി കളിൽ പ്രദർശിപ്പിക്കുവാനും കാറ്റലോഗ് ചെയ്യുവാനും കഴിഞ്ഞത് അവ  ഇംഗ്ളീഷ് കൃതികളായതിനാലാണെന്ന് പറയേണ്ടതില്ലല്ലോ ! കൂടാതെ, പോയട്രിഡോട്കോമിലും പോയം ഹണ്ടർ ഡോട്ട്ട്  കോം ആഗോള കവിതാശേഖരത്തിലും എന്റെ കവിത  ഉൾപ്പെടുത്തുവാൻ ഇടയായതും,റിയലിസ്റ്റിക് പോയറ്ട്രിറി ഇന്റർനാഷണൽ അവരുടെ ആഗോള കവിത ആന്തോളജിയിൽ("Why Poetry Matters Anthology") എന്റെ "ഓൺ യു" എന്ന കവിതയ്ക്ക് മൂൻ നിരയിൽത്തന്നെ  ഇടമേകിയതും  തന്മൂലം!

എന്നെ  കവിതയിൽ കൈപിടിച്ചു നടത്തിയ സ്നേഹനിധി ഡോ.എൻ വി കൃഷ്ണവാരിയരുടെ തൃപ്പാദങ്ങളിൽ  ഈ സമ്പൂർണ്ണസമാഹാരം.(1958 -2017) സാദരം, സാഭിമാനം സമർപ്പിക്കുന്നു,


പ്രൊഫസർ സാനുമാസ്റ്റർക്കും പ്രൊഫസർ മാമ്പുഴ കുമാരൻ മാസ്റ്റർക്കും സി രാധാകൃഷ്ണൻ സാറിനും പ്രൊഫസർ കെ സുഗതൻ സാറിനും  പ്രണാമം അർപ്പിച്ചുകൊള്ളട്ടെ!


2.
ഇനിയും എത്രയോ കവിസുഹൃത്തുക്കളോടും പത്രാധിപന്മാരോടും (പേരെടുത്തു പറയുന്നില്ല) ഞാൻ കടപ്പെട്ടിരിക്കുന്നു. എല്ലാം ഞാൻ ഒരു
നിധിയായിത്തന്നെ  മനസ്സിൽ സൂക്ഷിക്കുട്ടെ!)

"തൃശ്ശൂർ സർഗ്ഗസ്വരം" തന്ന, തരുന്ന കൂട്ടായ്മയും ഞാൻ ഇവിടെ നന്ദിപൂർവ്വം സ്മരിക്കുന്നു,
പതിവുപോലെ ഇത് ഇത്ര ഭംഗിയായി അച്ചടിച്ചു പ്രസിദ്ധീകരിക്കുന്ന (ആഗോളതലത്തിൽ വിതരണം ചെയ്യുന്ന) ആമസോണിനും ആയിരം നന്ദി!
  

   

dr.k.g.balakrishnan kandangath

new Malayalam poems book

Amazon.com Kindle

കാലം
-----------------------------

    പാടാത്ത പാട്ടിനു
മാധുര്യമേറെയെ-
ന്നാരോ
പറഞ്ഞതിന്നർത്ഥം.

ഇന്നലെയിന്നായി-
ഒന്നായി രണ്ടായി
മൂന്നായി നാലായി
മുന്നോട്ടു നീങ്ങവേ,
കാലം കഴിയുന്നു-
മേളം കൊഴുക്കുന്നു;
താളം തുടിക്കുന്നു;
നീളം നിരന്തരം
നീളുന്നു നീളുന്നു
നിത്യം പിറക്കുന്നു.

പാടിയ പാട്ടിനു
മാധുര്യമേറെയെ-
ന്നാരേ പറഞ്ഞത്!

ഓടിയ ദൂരം
മനോഹരമെങ്കിലും -
നാളെയെയെന്നും
പ്രതീക്ഷയായെണ്ണുന്നു
ചിത്തം!
ചിദംബര-
മേതോ കിനാവായി
നീലനിലാവായി
നീളുന്നു കാലമായ് !
-------------------------------------
-------------------------------------

19-6-20 New book Malayalam

Amazon.com Kindle. (KDP)

dr.k.g.balakrishnan kandangath

----------------------------------------  

new book Malayalam/manjaveyil/ drkgb/2020-6-20.

new book malayalam/amazon.com/dr.k.g.balakrishnan kandangath/20/6/20

മഞ്ഞവെയിൽ/new book malayalam 20-6-20
----------------------------

         മിഥുനവെയിൽ
മഞ്ഞവെയിൽ 
മഴ നനഞ്ഞു
കുളികഴിഞ്ഞു
തോർത്തി
പുതുപുടവയുടുത്ത
സുന്ദരി 
മലയാളവെയിൽ.

പക്ഷേ,
ഇനി
അണിയറയിലൊരു
കരിങ്കാളി-
ആടുവാൻ ആടയാഭരണങ്ങൾ
ആയിരമണിഞ്ഞു
പള്ളിവാൾ വലം കൈയ്യിൽ
ചുഴറ്റി
ഭദ്ര-
ഭഗവതി- ചിലനേരം
കോപിഷ്ഠയായ്
അട്ടഹാസം മുഴക്കി-

അമ്മയായ് സർവ്വ-
സുഖസംദായിനിയായ്
ചമഞ്ഞു മധുരമീനാക്ഷിയായ്
പ്രകൃതി സ്നേഹവു-മനുഗ്രഹവും
ചൊരിഞ്ഞനുഗ്രഹിച്ച്.

2.
നുണയട്ടെ
ഞാനീ മധുരസുഖദമാം
മിഥുനവെയിൽ.
-----------------------------------------------------
മഞ്ഞവെയിൽ / 20 -6 -20
new book Malayalam-
Amazon.com Kindle
------------------------------------------------------
dr.k.g.balakrishnan kandangath
Global Indian poet
Malayalam/English
20-6-2020
--------------------------------------------------------

New book Malayalam poem /19/6/2020

dr.k.g.balakrishnan kandangath

new Malayalam poems book

Amazon.com Kindle

കാലം
-----------------------------

    പാടാത്ത പാട്ടിനു
മാധുര്യമേറെയെ-
ന്നാരോ
പറഞ്ഞതിന്നർത്ഥം.

ഇന്നലെയിന്നായി-
ഒന്നായി രണ്ടായി
മൂന്നായി നാലായി
മുന്നോട്ടു നീങ്ങവേ,
കാലം കഴിയുന്നു-
മേളം കൊഴുക്കുന്നു;
താളം തുടിക്കുന്നു;
നീളം നിരന്തരം
നീളുന്നു നീളുന്നു
നിത്യം പിറക്കുന്നു.

പാടിയ പാട്ടിനു
മാധുര്യമേറെയെ-
ന്നാരേ പറഞ്ഞത്!

ഓടിയ ദൂരം
മനോഹരമെങ്കിലും -
നാളെയെയെന്നും
പ്രതീക്ഷയായെണ്ണുന്നു
ചിത്തം!
ചിദംബര-
മേതോ കിനാവായി
നീലനിലാവായി
നീളുന്നു കാലമായ് !
-------------------------------------
-------------------------------------

19-6-20 New book Malayalam

Amazon.com Kindle. (KDP)

dr.k.g.balakrishnan kandangath

----------------------------------------