Ulppulakam /dr.kgbalakrishnan kandangath 11/9/2017

ഉൾപ്പുളകം
-----------------------------------
ഡോ കെ ജി ബാലകൃഷ്ണൻ / 11/ 9 / 2017
------------------------------------------......................

    നിമിഷത്തിന്റെ പെരുക്കം നിമിഷം തന്നെ. എന്നാൽ അത് അനന്തമത്രെ!
അതുതന്നെ മാനസികവ്യാപാരത്തിന്റെയും കഥ. അകം ചികഞ്ഞുചികഞ്ഞ് ചെന്നാൽ ഒന്നുമില്ലായ്മയുടെ ഒന്നുമില്ലായ്മയെ  അതായത് പരമമായ നിശ് ശൂന്യതയെ പ്രാപിയ്ക്കുന്നു. അത് അനന്തത തന്നെ. ചുരുക്കത്തിൽ ഉള്ളിലിരിപ്പ് അതിരെഴായ്മയായി പരിലസിയ്ക്കുന്നു.

"എന്റെ കവിതകൾ 1958 -2017"
(കെ ജി ബാലകൃഷ്‌ണൻ മലയാള കവിതകൾ
സമ്പൂർണം)
3 ഭാഗമായി അമേരിക്കയിൽനിന്ന് ആമസോൺ വഴി പ്രസിദ്ധീകരിക്ക- പ്പെടുകയാണ്, ഒരാമുഖം എന്തിനെന്ന് ആദ്യം സ്വയം ചോദിച്ചു. പിന്നെ അത് ഒന്നുള്ളത് നന്നെന്നു തോന്നി.

കാരണം,
ഹൈസ്കൂൾ മാസികയിൽ വന്ന (1958)"പ്രഭാതം വന്നപ്പോൾ" മുതൽ പതിനഞ്ചാമത്തെ  കവിതാസമാഹാരമായ "ഭാരതീയ"ത്തിലെ
"അളവ്" (2-5-2017) വരെ
രണ്ട് ശതാബ്ദങ്ങളിലായി പരന്നു കിടക്കുന്ന
ഈ "മഹാകാവ്യം"
(എന്നു തന്നെ എന്ന് ഞാൻ വിളിക്കുന്നു;ക്ഷമിക്കുക)
 അനുവാചകന്റെ അകംപൊരുളിലേയ്ക്ക്               
കൂടുതൽ കൂടുതൽ ആഴുവാൻ ഈ വരികൾ സഹായകമാകും എന്ന്
മനസ്സ് മന്ത്രിച്ചു.

ഇടക്കാലത്തെ ദീർഘമൗനം
-----------------------------------------------
ഞാൻ ആലോചിയ്ക്കാറുണ്ട്. 1972 മാർച്ചിൽ "മാതൃഭൂമി ആഴ്ചപ്പതിപ്പിൽ" വന്ന
കവിതയ്ക്ക് (ഈ സമാഹാരത്തിൽ ചേർത്തിട്ടില്ല) ശേഷം ഒരു ദീർഘമൗനം എന്നെ നിഷ്കരുണം ഗ്രസിച്ചതെന്തെ എന്ന്! അറിഞ്ഞുകൂടാ. പക്ഷെ ഒന്നുമാത്രമറിയാം! പിന്നെ 21-ആം നൂറ്റാണ്ടിൽ "മാതൃഭൂമി"യിൽകൂടിത്തന്നെ തുടക്കം വയ്ച്ചത് "കലാകൗമുദി"യിലൂടെ തുടരുന്നു; നിരന്തരം. കൂടാതെ "ഭാഷാപോഷിണി"യും "ദേശാഭിമാനി"യും "സമകാലികമലയാള"വും "സാഹിത്യലോക"വും "ഗുരുദേവനും" "യോഗനാദവും" "അംബാപ്രസാദവും"  ഈ കാലയളവിൽ കവിതകൾ പ്രസിദ്ധം ചെയ്ത്  എന്നെ പ്രോത്സാഹിപ്പിച്ചിട്ടുണ്ട്. അപ്പപ്പോൾ വാർത്ത നൽകി എല്ലാ പത്രങ്ങളും (ഹിന്ദു ഇംഗ്ളീഷ് പത്രമടക്കം) ജനശ്രദ്ധ നിലനിർത്തിത്തരുന്നു.
(ഈ ആത്മകഥനം ഇവിടെ "കട്ട് " ചെയ്യുന്നു).

എന്റെ ആംഗലേയ കവിത
----------------------------------------------
അതിവിടെ പ്രസക്തമല്ല. എങ്കിലും ഒരു വാക്ക്. ആഗോളകവിതയിൽ ഒരു പദമൂന്നുവാൻ ഇംഗീഷ് കൃതികൾ തന്ന സഹായം വലുതാണ്! എന്റെ ചില  കൃതികൾ ആസ്‌ട്രേലിയയിൽ പ്രകാശിപ്പിക്കുവാനും ലൈബ്രറി കളിൽ പ്രദർശിപ്പിക്കുവാനും കാറ്റലോഗ് ചെയ്യുവാനും കഴിഞ്ഞത് അവ  ഇംഗ്ളീഷ് കൃതികളായതിനാലാണെന്ന് പറയേണ്ടതില്ലല്ലോ ! കൂടാതെ, പോയട്രിഡോട്കോമിലും പോയം ഹണ്ടർ ഡോട്ട്ട്  കോം ആഗോള കവിതാശേഖരത്തിലും എന്റെ കവിത  ഉൾപ്പെടുത്തുവാൻ ഇടയായതും,റിയലിസ്റ്റിക് പോയറ്ട്രിറി ഇന്റർനാഷണൽ അവരുടെ ആഗോള കവിത ആന്തോളജിയിൽ("Why Poetry Matters Anthology") എന്റെ "ഓൺ യു" എന്ന കവിതയ്ക്ക് മൂൻ നിരയിൽത്തന്നെ  ഇടമേകിയതും  തന്മൂലം!

എന്നെ  കവിതയിൽ കൈപിടിച്ചു നടത്തിയ സ്നേഹനിധി ഡോ.എൻ വി കൃഷ്ണവാരിയരുടെ തൃപ്പാദങ്ങളിൽ  ഈ സമ്പൂർണ്ണസമാഹാരം.(1958 -2017) സാദരം, സാഭിമാനം സമർപ്പിക്കുന്നു,


പ്രൊഫസർ സാനുമാസ്റ്റർക്കും പ്രൊഫസർ മാമ്പുഴ കുമാരൻ മാസ്റ്റർക്കും സി രാധാകൃഷ്ണൻ സാറിനും പ്രൊഫസർ കെ സുഗതൻ സാറിനും  പ്രണാമം അർപ്പിച്ചുകൊള്ളട്ടെ!


2.
ഇനിയും എത്രയോ കവിസുഹൃത്തുക്കളോടും പത്രാധിപന്മാരോടും (പേരെടുത്തു പറയുന്നില്ല) ഞാൻ കടപ്പെട്ടിരിക്കുന്നു. എല്ലാം ഞാൻ ഒരു
നിധിയായിത്തന്നെ  മനസ്സിൽ സൂക്ഷിക്കുട്ടെ!)

"തൃശ്ശൂർ സർഗ്ഗസ്വരം" തന്ന, തരുന്ന കൂട്ടായ്മയും ഞാൻ ഇവിടെ നന്ദിപൂർവ്വം സ്മരിക്കുന്നു,
പതിവുപോലെ ഇത് ഇത്ര ഭംഗിയായി അച്ചടിച്ചു പ്രസിദ്ധീകരിക്കുന്ന (ആഗോളതലത്തിൽ വിതരണം ചെയ്യുന്ന) ആമസോണിനും ആയിരം നന്ദി!
  

agrajan new book 12 25-6-2017 dr.k.g.balakrishnan

agrajar/ 25-6-17 new book 12

agrajan new book 12/ 25-6-2017
അഗ്രജൻ 
------------------------------
ഏതോ
ഗതകാലപുണ്യമായ്
ഉൾപ്പൂമധു-
മധുരമായ് കള്ളക്കണ്ണ-
നുണ്ണിക്ക്  
ബലരാമനെന്നപോൽ
ഭവാൻ;
മനോമോഹനൻ;
ഹലായുധൻ!

2.
ഞങ്ങൾക്കു
വിദ്യാപീഠശൃംഗമേറുവാനഹോരാത്രം 
മാർഗ്ഗദർശനമരുളിയ-
മംഗളസ്വരൂപാഖ്യനഗ്രജൻ;
സുകുമാരൻ!

3.
കവിയെൻ കാതിൽ ശക്തി-
മന്ത്രമോതിയോൻ;
ഭുവിൽ
ദ്യോവിലെയനന്തമാം
പൊരുളിൽ
കവിതയാം
സർവ്വവു-
മെന്നോടോതിത്തന്ന
കവി;
ഞാനാദ്യം
നേരിൽക്കണ്ട കവി;
രചനക്കു കലായ-
പുരസ്കാരം നേടി;
ആ ഗ്രന്ഥം
കവിയാമാനുജനു
സ്നേഹോപഹാരമാ-
യരുളിയനുഗ്രഹിച്ച-
"മഹാകവി"!

4.
അങ്ങു വെട്ടിയ വഴി-
ത്താരയിൽ 
വെളിച്ചത്തി-
ലിന്നുമെൻ പദപാത-
മങ്ങോള-
മുള്ളിനുള്ളിൽത്തിങ്ങുമാ-
സൗന്ദര്യത്തേൻ
തുള്ളിതൻ
പരിമേയമെളുതാ
ലയം തേടി!

5.
ഓർത്തുപോകുന്നു ഞാനീ
നിമിഷം വരെയെന്നെ
ച്ചേർത്തുനിർത്തിയ,
ഇന്നും
തൻവിരൽത്തുമ്പിൻ സ്നേഹ-
സ്പർശവും കരുതലുമേകിയൊന്നുമേ
പ്രതി-
ഫലമായിച്ഛിക്കാതെ;
അറിവുമാനന്ദവും മാത്രമെ-
ന്നകം പൊരുൾ നിറനിറയെ-
പ്പകർന്നുതന്നേപോരും
പുലർഞായർ; നിർമ്മല-
മിതഭാഷിയെ:
എല്ലാമെല്ലാമുള്ളിൽത്താനൊളിപ്പിക്കും
മഹാമൗനിയെ;
എളിമതൻ നേർരൂപത്തെ!

6.
എന്നെ ച്ചൂഴുമാഗ്നിവൃത്തമാം
രക്ഷാകവചത്തെ-
യൻപിനെയനുഗ്രഹ-
മൊന്നിനെയെന്നെയെന്നു-
മെന്നുമറിഞ്ഞ
എൻ പ്രിയ സുഹൃത്തിനെ;
വഴികാട്ടിയ
മാതൃകാപുരുഷനെ!

മഹാകവിയുടെ
പ്രഭാനാമധാരിയെ;
യെൻ പ്രിയജ്യേഷ്‌ഠനെ!
ഒപ്പം;
പ്രപിതാ-
പിതാക്കളെ!
--------------------------------------------
new book 12/ 25-6-2017
അഗ്രജൻ
ഡോ കെ ജി ബാലകൃഷ്ണൻ
amazon.com author
--------------------------------------------------

      

 
  



  






   








   

ഡോ.കെ.സുഗതൻ എന്ന അറിവുകടൽ
----------------------------------------------------------------
ഡോ.കെ.ജി.ബാലകൃഷ്ണൻ
--------------------------------------------------------------------

1966. ഇന്നലെയെന്നോണം ഓർമ്മ. ഫസ്റ്റ് എം ബി ബി എസ് ജയിച്ച സന്തോഷവും അഭിമാനവും തുളുമ്പുന്ന മനസ്സുമായി മെഡിസിൻ വാർഡിൽ ക്ലിനിക്കൽ പഠനത്തിന്റെ തുടക്കം കുറിക്കുവാൻ അത്യന്തം ആകാംക്ഷാഭരിതരായി; അക്ഷമരായി ഞങ്ങൾ.
ഗുരുനാഥൻ നിറഞ്ഞ ചിരിയോടെ പ്രവേശിക്കുന്നു. 30 തികയാത്ത ചെറുപ്പക്കാരൻ. പച്ച മലയാളത്തിൽ ഗുരു പറഞ്ഞു "കുട്ടി ഡോക്ടർമാർക്ക് സ്വാഗതം."
"ഗുഡ് മോർണിംഗ് സാർ" ഞങ്ങൾ പ്രത്യഭിവാദ്യം ചെയ്തു.
51 വർഷങ്ങൾ. ഇന്നും ഞങ്ങളുടെ പ്രിയ ഗുരുവും മാർഗദർശിയും. സാർ എൺപതുകളിൽ.(1937 ജനുവരി). ഞങ്ങൾ എഴുപതുകളിലും. ഇന്നും തമ്മിൽ കാണുമ്പോൾ പഠിപ്പിക്കൽ തന്നെ, (മെഡിസിനല്ല;ജീവിതത്തിന്റെ പല പല ഏടുകൾ)

തികഞ്ഞ പണ്ഡിതൻ
---------------------------------
അറിവ് തന്നെയാണ് സാർ. അദ്ദേഹത്തിന് അറിയാത്ത അഥവാ വഴങ്ങാത്ത വിഷയമില്ല. ഒരു സർവ്വവിജ്ഞാനകോശം. ഒന്നുമറിയില്ലെന്ന ഭാവം. മെഡിസിൻ മാത്രമല്ല ഞങ്ങളെ സാർ പഠിപ്പിച്ചത്. ശാസ്ത്രം (ഭാഷാശാസ്ത്രം മുതൽ വാനശാസ്ത്രം വരെ.). മനുഷ്യഗന്ധിയായ എല്ലാം വൈദ്യൻ അറിഞ്ഞിരിക്കണം എന്ന് സാർ വ്യക്തമായി ഞങ്ങൾക്കു ബോധ്യപ്പെടുത്തിത്തന്നു. അതായത് ഡോക്ടർ ഒരു വിഷയത്തിലും പാടെ അജ്ഞനായിക്കൂടെന്നർത്ഥം.

അക്കാദമീഷ്യൻ
----------------------------------
കേരളത്തിൽ ഹാർട്ടറിവിൽ ഉന്നതബിരുദം നേടിയ ആദ്യപരമ്പരയിൽ തന്നെ സാറിന്റെ സാന്നിധ്യമുണ്ട്. വിശദീകരിക്കുന്നില്ല. അതിവിടെ പ്രസക്തതവുമല്ല. ഇവിടെ സാഹിത്യമാണ് വിഷയം. "ബുദ്ധനും നാണുഗുരുവും"(മാതൃഭൂമി) ഇതാ എന്റെ മുന്നിൽ. ഒരു ഗവേഷണഗ്രന്ഥം. ഗഹനം; സംക്ഷിപ്തം;വ്യതിരിക്തം.ഇതിനൊരവതാരികയില്ല. അതുതന്നെ സാറിന്റെ ആത്മവിശ്വാസത്തിനുള്ള അടിവര. ശ്രീബുദ്ധന്റെ മതത്തിൽ തുടക്കം. അഭിനവബുദ്ധനായ ഗുരുദേവനിൽ ഒടുക്കം. ലോകത്തുള്ള  എല്ലാ മതങ്ങളും ഇതിൽ പരാമർശിക്കപ്പെടുന്നു. എല്ലാ ദർശനങ്ങളും മതാചാര്യന്മാരും പുതിയ കാഴ്ച്ചപ്പാടിൽ  വിലയിരുത്തപ്പെടുന്നു.അതും ഒരു
ഫിസിഷ്യന്റെ, ഗുരുനാഥന്റെ, മാനവികതയുടെ, സത്യദർശിയുടെ കൂലങ്ക-  ഷതയോടെ.

 ഗുരുവിന്റെ ഹിന്ദുത്വം
--------------------------------------------
ഈ ഗ്രന്ഥത്തിലെ ഏറ്റവും കാലികവും അമൂല്യവുമായ അദ്ധ്യായമാണിത്.
സാർ എഴുതുന്നു
"ഇന്ത്യൻ ഭരണഘടനയിൽ സെക്യുലറിസം എഴുതി വയ്ക്കുന്നുന്നതിന് എത്രയോ മുൻപ് ഗുരു  ഈ ആശയം പ്രഖ്യാപിച്ചു." എത്ര മാത്രം സത്യം! ഗുരുവിന്റെ "നമുക്ക് ജാതിയോ മതമോ ഇല്ല" എന്ന പ്രഖ്യാപനത്തിന്റെ 100 ആം വാർഷികാഘോഷം കഴിഞ്ഞതേ ഉള്ളുവല്ലോ! (അത് തീരാതെ തീർക്കാതെ പരിരക്ഷിച്ചിരുന്നുവെങ്കിൽ എന്ന് ആശിച്ചു പോകുന്നു.)

നാണുഗുരുവിന്റെ മതം
------------------------------------------
ഈ അദ്ധ്യായവും പ്രസക്തമത്രെ! അല്ലെങ്കിൽ ഈ ഗ്രന്ഥത്തിലെ ഏതദ്ധ്യായമാണ് അപ്രസക്തം! ഗുരു മതം സ്ഥാപിച്ചിട്ടില്ല; എന്നാൽ അവി  ടുത്തേക്ക് മതമുണ്ടായിരുന്നു; മാനവികതയുടെ മതം. "സർവ്വമതസാരവും ഒന്നെ"ന്നത് തന്നെ ഗുരുവിന്റെ മതം.

ഇപ്പോൾ ഈ ഗ്രന്ഥത്തിന്റെ പ്രസക്തി
---------------------------------------------------------------------
2005 ജനുവരിയിലാണ് ഈ ഗ്രന്ഥം മാതൃഭൂമി പ്രസിദ്ധീകരിച്ചത്. (പിന്നീട് ഹാർട്ടറിവ്‌ വന്നു. ശാസ്ത്ര ഗ്രന്ഥം - മാതൃഭൂമി ).
ഈ കഴിഞ്ഞ ദശാബ്ദത്തിൽ ഈ രണ്ട് ഗ്രന്ഥങ്ങളുടെയും പ്രസക്തി പതിന്മടങ്ങു് വർധിച്ചു. അതുതന്നെയാകാം കേരളസാഹിത്യ അക്കാദമിയുടെ ഈ തിരിച്ചറിവിന് മൂലം. സാറിന്റെ ഈ 80 -ആം പിറന്നാളിന് അക്കാദമിയുടെ പുരസ്കാരം അവസരോചിതം തന്നെ.

വന്ദ്യഗുരുവിന് ഞങ്ങൾ ശിഷ്യരുടെ പ്രണാമം! ഇനിയും ഞങ്ങൾക്ക് (ലോകർക്കും)  കൂടുതൽ അറിവ് പകർന്നു തരുവാൻ അവിടുത്തേക്ക്  ആയുരാരോഗ്യം ആശംസിക്കുന്നു.
   

കൃതികൾ
---------------------
അഞ്ച് കനപ്പെട്ട കൃതികൾ
----------------------------------------------

1. ബുദ്ധനും നാണുഗുരുവും
2.മൊഴിയറിവ്
3.ഹാർട്ടറിവ്‌
4. ഗുരുവിന്റെ ചരിത്രം
5. ബുദ്ധനും ജാതി വ്യവസ്ഥയും

പുരസ്‌കാരങ്ങൾ
------------------------------
അബുദാബി ശക്തി അവാർഡ് തുടങ്ങി
കേരളസാഹിത്യ അക്കാദമിയുടെ സമഗ്രസംഭാവനയ്ക്കുള്ള
അവാർഡ്(2015) വരെ ആറ് പുരസ്‌കാരങ്ങൾ.
(അവാർഡുകളുടെ ഭാരം ശിരസ്സിലണിയുവാൻ താല്പര്യമുള്ള
മനസ്സല്ല സാറിനെന്നറിയാം. വർണന ഒഴിവാക്കുന്നു.)

ഇനി സാർ പറയുന്നത് ശ്രദ്ധിക്കാം
-------------------------------------------------------------
"ഹൈസ്കൂൾ പഠനകാലത്തും ഇന്നും ഇഷ്ടപ്പെട്ട വിഷയം ഗണിതം. ഡോക്ടറാവാൻ ആഗ്രഹിച്ചില്ല. പക്ഷെ
കോളേജിൽ പഠിച്ചത് ബയോളജി. തിരുവനന്തപുരം മെഡിക്കൽ കോളേജിൽ പഠിച്ചു. പിന്നെ എം.ഡി.; ഡി.എം.(കാർഡിയോളജി ).
മുപ്പത് കൊല്ലം കോഴിക്കോട് മെഡിക്കൽ കോളേജിൽ പഠിപ്പിച്ചു. കേരളശാസ്‌ത്രസാഹിത്യപരിഷത്തിലും മെഡിക്കൽ കോളേജ് അധ്യാപക സംഘടനയിലും പ്രവർത്തിച്ചു. കേന്ദ്രസർക്കാറിന്റെ ഒരു പദ്ധതിപ്രകാരം യൂറോപ്പിലെ വിവിധമെഡിക്കൽ കോളേജുകൾ സന്ദർശിച്ചു.

റിട്ടയർമെന്റിനുശേഷം കൂടുതൽ കൂടുതൽ വായിച്ചു. വിവിധവിഷയങ്ങൾ. അപ്പോൾ അറിഞ്ഞത് തലമുറകൾക്ക് പകർന്ന്കൊടുക്കണമെന്നും ഈടുവയ്ക്കണമെന്നും തോന്നി. എഴുതി."

മലയാളത്തിന്റെ പുണ്യം
----------------------------------------------
മിതഭാഷിയാണ് സാർ. പക്ഷെ പൾസ്‌ എന്ന നൈമിഷിക-  പ്രതിഭാസത്തെക്കുറിച്ചു പറഞ്ഞുതുടങ്ങിയാൽപ്പോലും ഒടുക്കമുണ്ടാവാറില്ല. അതെങ്ങനെ ഒടുങ്ങാൻ! അതിന്റെ ആവർത്തം മാത്രമാണല്ലോ സർവ്വം.

സത്യത്തിൽ, താനറിഞ്ഞത് ഭാവിതലമുറകൾക്ക് ഈടുവയ്ക്കുന്ന എത്രപേർ (പ്രത്യേകിച്ചും ഡോക്ടർമാർ) ഇവിടെയുണ്ട്! അതും വിവിധവിഷയങ്ങളിൽ താനാർജ്ജിച്ച, അനുഭവിച്ചറിഞ്ഞ അപാരത നാളയെ അനുഭവിപ്പിക്കണമെന്ന അലിവ്  കൈമുതലായുള്ളവർ? അതല്പം ഉണ്ടെങ്കിൽതന്നെ അതിനെ പരസ്യവിപണിയിൽ ലേലം ചെയ്യാൻ തുനിയാത്തവർ? ഉണ്ടാവാം. വിരലിലെണ്ണാവുന്നവർ. തീർച്ചയായും അവരിൽ അഗ്രിമസ്ഥാനം തന്നെ അലങ്കരിക്കുന്നു  എൺപതുകാരനായ ഈ ഈ അറിവുകടൽ- ഇപ്പോഴും എപ്പോഴും മനസ്സിൽ യുവത്വം സൂക്ഷിക്കുന്ന ഈ വിജ്ഞാനസുഗതൻ - ഞങ്ങളുടെ, തലമുറകളുടെ പ്രിയഗുരുനാഥൻ.
--------------------------------------------------------------------------------------------------------------------------

     

User:Drkgbalakrishnan
From Wikipedia, the free encyclopedia
Drkgbalakrishnan is a noted indian poet (Malayalam & English) having more than a dozen international publications by Createspace.com, sold and distributed by Amazon.com world over. Consultant physician (bsc;mbbs;fica) by profession. Septuagenarian(dob 1944) poet and writer writing poems and articles since his high school days and became a published from 1966 when his poem was published poet &writer through "Mathrubhumi Weekly" by editor n. v .krishna warier (poet,write,editor
and great scholar). Then he was writing under the name "G.BALAKRISHNAN" & now dr.k.g.balakrishnan). Major works are 1. the waves of the Ganga 2.the hues of the Himalaya 3.my Muses 4.nascent Poetry 5.Australian plant Other Poems 6. The Why? (Anthology of complete poems(500+) up to December, 2014) 7. Bharatheeyakavitha Vol.1(100 English Poems). Malayalam works are Poetry: 1. Agnigeetham Vol.1 2. Agnigeetham Vol.2 3.kurukkan@kurukkan.com 4. Swarabindu 5. Bharatha Geetham Prose: Guruparvam(20 research articles)
Recognition: 1.Topmost poet all time www.poetry.com 2.Distinguished Poet pin Award www.poetry.com 3. Poet's image featured in "indian poet image page" of Google.in for references.(just click the image) 4. Also Google.in has encrypted "drkgbalakrishnan.blogspot.in" for references 5.Many important poems available on www.poetry.com , poem hunter.com poems About and so on. 6.
Realistic poetry international has included poems in their international Anthology of poems (2016) "Why Poetry Matters" coming shortly. (Only one poet has been included from Kerala,India & 54 poets from world over) personal data dr.k.g.balakrishnan kandangath poet, kattoor,Kerala,India 680702. +91 9447320801 drbalakrishnankg@gmail.com / drkgbalakrishnankandangath.blogspot.com / agnigeetham.blogspot.com